ಮಹಾರಾಷ್ಟ್ರ -
ಮಹಾರಾಷ್ಟ್ರದ ರಾಯಗಢ ಜಿಲ್ಲೆಯ ದಿವಿಯಾಗರ್ ಗೆ ಪಿಕ್ನಿಕ್ ಗೆ ತೆರಳಿದ್ದ ಎಂಟು ವಿದ್ಯಾರ್ಥಿಗಳು ಸಮುದ್ರ ದಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ.ಮೃತಪಟ್ಟಿರುವ ಎಲ್ಲಾ ವಿದ್ಯಾರ್ಥಿಗಳೂ 16 ವರ್ಷ ವಯಸ್ಸಿನ ವಯೋಮಾನ ದವರಾಗಿದ್ದು ಸ್ಥಳೀಯ ಕೋಚಿಂಗ್ ಸಂಸ್ಥೆ 'ವಿನ್ನರ್ಸ್ ಅಕಾಡೆಮಿ ವತಿಯಿಂದ ಸಮುದ್ರ ತೀರಕ್ಕೆ ಪಿಕ್ನಿಕ್ ಗೆ ತೆರಳಿದ್ದರು ಎನ್ನಲಾಗಿದೆ.
11 ಮತ್ತು 12ನೇ ತರಗತಿಯ ವಿದ್ಯಾರ್ಥಿಗಳ ಮೃತದೇಹ ವನ್ನು ಅಲಂಡಿಗೆ ತರಲಾಗಿದ್ದು, ಇಡೀ ಗ್ರಾಮ ಶೋಕ ಸಾಗರದಲ್ಲಿ ಮುಳುಗಿತ್ತು.ಈ ಕುರಿತು ಪ್ರತಿಕ್ರಿಯಿಸಿದ ಸ್ಥಳೀಯ ನಿವಾಸಿಯೊಬ್ಬರು, "ಈ ಘಟನೆಯಿಂದ ನಮಗೆ ಆಘಾತವಾಗಿದೆ. ವಿದ್ಯಾರ್ಥಿಗಳ ಸಾವಿಗೆ ಸಂತಾಪ ಸೂಚಿಸಲು ಸ್ಥಳೀಯ ನಿವಾಸಿಗಳು ಹಾಗೂ ವರ್ತಕರು ಬಂದ್ ಗೆ ಕರೆ ನೀಡಿದ್ದಾರೆಂದರು
ಮೃತಪಟ್ಟಿರುವ ವಿದ್ಯಾರ್ಥಿಗಳಲ್ಲಿ ರಾಜ್ ವೀರ್ ವಹಿಲೆ, ಸೋಹಂ ಬಂಡ್ವಾಲ್ಕರ್, ಸುಮಿತ್ ಅಹಿರೆ ಹಾಗೂ ತನ್ಮಯ್ ವಹಿಲೆಯ ಅಂತ್ಯಕ್ರಿಯೆಯನ್ನು ಇನ್ನಿಬ್ಬರು ವಿದ್ಯಾರ್ಥಿಗಳ ಅಂತ್ಯಸಂಸ್ಕಾರವನ್ನು ಅಲಂಡಿಯಲ್ಲಿ ನೆರವೇರಿಸಲಾಗುತ್ತದೆ. ಕೌಸ್ತುಭ್ ದೌಂದ್ ಮತ್ತು ಯಶ್ ವಾಂಖೇಡೆಯ ಮೃತದೇಹಗ ಳನ್ನು ಕ್ರಮವಾಗಿ ಅಹಿಲ್ಯಾನಗರ್ ಜಿಲ್ಲೆಯ ರಹುರಿ ಹಾಗೂ ಅಮರಾವತಿಗೆ ಕೊಂಡೊಯ್ದು, ಅಲ್ಲಿ ಅಂತ್ಯಕ್ರಿಯೆ ನೆರವೇರಿಸಲಾಗುತ್ತದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
25 ಬಾಲಕರು, 17 ಬಾಲಕಿಯರು ಹಾಗೂ ಆರು ಶಿಕ್ಷಕರನ್ನೊಳಗೊಂಡ ತಂಡವೊಂದು ಸಮುದ್ರ ತೀರ ಹಾಗೂ ಐತಿಹಾಸಿಕ ದೇವಾಲಯಗಳಿಗೆ ಪ್ರಸಿದ್ಧವಾದ ದಿವಿಯಾಗರ್ ಗೆ ಪಿಕ್ನಿಕ್ ಗೆಂದು ತೆರಳಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
ಈ ಪೈಕಿ ಎಂಟು ಮಂದಿ ವಿದ್ಯಾರ್ಥಿಗಳು ಈಜಲೆಂದು ಸಮುದ್ರಕ್ಕೆ ಇಳಿದಿದ್ದಾರೆ. ಆದರೆ, ಸಮುದ್ರದ ಆಳ ಹಾಗೂ ಪ್ರವಾಹವನ್ನು ಅಂದಾಜಿಸಲು ವಿಫಲರಾದ ಅವರು, ಸಮುದ್ರದ ನೀರಿನಲ್ಲಿ ಕೊಚ್ಚಿ ಹೋಗಿದ್ದಾರೆ. ಸುದ್ದಿ ತಿಳಿಯುತ್ತಿದ್ದಂತೆಯೇ ಸ್ಥಳಕ್ಕೆ ಧಾವಿಸಿದ ಶೋಧ ಮತ್ತು ರಕ್ಷಣಾ ತಂಡಗಳು,ಮೃತದೇಹಗಳನ್ನು ವಶಪಡಿ ಸಿಕೊಂಡವು ಎಂದು ಅವರು ಹೇಳಿದ್ದಾರೆ.
ಸುದ್ದಿ ಸಂತೆ ನ್ಯೂಸ್ ಮಹಾರಾಷ್ಟ್ರ.....
