ಕೊಪ್ಪಳ -
ಕೊಪ್ಪಳದಲ್ಲಿ ನಡೆದ ಶಿಕ್ಷಕಿ ಆತ್ಮಹತ್ಯೆ ಪ್ರಕರಣ ಕುರಿತು ಪೊಲೀಸರು ಮೂವರ ವಿರುದ್ಧ ಎಫ್‌ಐಆರ್‌ ದಾಖಲು ಮಾಡಿದ್ದಾರೆ ಖಾಸಗಿ ಶಾಲೆಯಲ್ಲಿ ಶಿಕ್ಷಕಿ ಯಾಗಿ ಕೆಲಸ ಮಾಡುತ್ತಿದ್ದ ತಾಲ್ಲೂಕಿನ ಕಾತರಕಿ ಗ್ರಾಮದ ಸಂಗೀತಾ ಮೇಟಿ (34) ಆತ್ಮಹತ್ಯೆ ಮಾಡಿ ಕೊಂಡಿದ್ದು, ಪ್ರೇಮ ಪ್ರಕರಣವೇ ಇದಕ್ಕೆ ಕಾರಣ ಎಂದು ಗೊತ್ತಾಗಿದೆ.
ಈ ಕುರಿತು ಮೃತ ಸಂಗೀತಾಳ ಅಣ್ಣ ಸಂತೋಷ ಮೇಟಿ ದೂರು ನೀಡಿದ್ದು 'ನನ್ನ ತಂಗಿ ಸೋದರ ಮಾವನ ಮಗ ವಿಕಾಶ ಕೆ.ಕೊಪ್ಪದನನ್ನು ಪ್ರೀತಿಸಿದ್ದು ಮನೆಯವರು ಒಪ್ಪಿ ಮದುವೆ ಮಾಡುವುದಾಗಿ ಹೇಳಿದ್ದರು.ಮದುವೆಯಾಗಲು ವಿಕಾಶ ಕೂಡ ಒಪ್ಪಿಕೊಂಡಿದ್ದ. ಆಗಿನಿಂದಲೂ ಇಬ್ಬರೂ ಸಲುಗೆ ಯಿಂದ ಓಡಾಡಿಕೊಂಡಿದ್ದರು.
ಹಿಂದಿನ ಎರಡು ವರ್ಷಗಳಿಂದ ಮದುವೆ ವಿಚಾರ ವಾಗಿ ಸಂಗೀತಾ ಕೇಳಿದಾಗ ವಿಕಾಶ ನನಗೆ ನೀನು ಇಷ್ಟವಿಲ್ಲ; ನನ್ನ ಅಣ್ಣ ಹಾಗೂ ಅತ್ತಿಗೆ ಹೇಳಿದವರನ್ನು ಮದುವೆಯಾಗುತ್ತೇನೆ ಎಂದು ಬೈಯ್ದಿದ್ದರು' ಎಂದು ಆರೋಪಿಸಿದ್ದಾರೆ.'ಇದರಿಂದ ನನ್ನ ತಂಗಿ ಮಾನಸಿ ಕವಾಗಿ ನೊಂದಿದ್ದಳು. ಅ. 19ರಂದು ದಸರಾ ಹಬ್ಬಕ್ಕೆ ಸಾಮಗ್ರಿ ಖರೀದಿಸಲು ಕೊಪ್ಪಳಕ್ಕೆ ಹೋಗುವುದಾಗಿ ತಿಳಿಸಿ ಹೋಗಿದ್ದು ವಾಪಸ್‌ ಬಂದಿಲ್ಲ.
ಮೃತ ಶಿಕ್ಷಕಿ
ಆಕೆ ಸಾವಿಗೂ ಮೊದಲು ಬರೆದ ಪತ್ರವನ್ನು ನನಗೆ ವ್ಯಾಟ್ಸ್‌ಆಯಪ್‌ ಮಾಡಿದ್ದಾಳೆ. 14 ವರ್ಷ ಇಷ್ಟಪಟ್ಟು ಮದುವೆಯಾಗುವುದಾಗಿ ನಂಬಿಸಿ ವಿಕಾಶ ಮೋಸ ಮಾಡಿದ್ದಾನೆ ಎಂದು ಪತ್ರದಲ್ಲಿ ತಿಳಿಸಿದ್ದಾಳೆ' ಎಂದು ಸಂತೋಷ ದೂರಿನಲ್ಲಿ ಆಪಾದಿಸಿದ್ದಾರೆ.ಮೃತ ಸಂಗೀತ ಅವರ ಮೃತದೇಹ ತುಂಗಭದ್ರಾ ನದಿಯ ಮದಲಗಟ್ಟಿ ಸೇತುವೆ ಬಳಿ ಲಭ್ಯವಾಗಿದ್ದು, ಹೂವಿನ ಹಡಗಲಿ ಪೊಲೀಸ್‌ ಠಾಣೆಯಲ್ಲಿ ವಿಕಾಶ ಕೊಪ್ಪದ, ಅವರ ಅಣ್ಣ ವಸಂತರೆಡ್ಡಿ ಕೊಪ್ಪದ ಮತ್ತು ಅತ್ತಿಗೆ ರೇಣುಕಾ ರೆಡ್ಡಿ ವಿರುದ್ಧ ದೂರು ದಾಖಲಾಗಿದೆ.
ಸುದ್ದಿ ಸಂತೆ ನ್ಯೂಸ್ ಕೊಪ್ಪಳ.....
