ಬೆಂಗಳೂರು -
ಕರ್ನಾಟಕ ವಿಧಾನ ಪರಿಷತ್ತಿನ ಪದವೀಧರ ಹಾಗೂ ಶಿಕ್ಷಕರ ಕ್ಷೇತ್ರಗಳ ದ್ವೈವಾರ್ಷಿಕ ಚುನಾವಣೆಯ ಹಿನ್ನೆಲೆ ಅರ್ಹ ಮತದಾರರಿಗೆ ಅನುಕೂಲವಾಗುವಂತೆ ಒಂದು ದಿನ 'ವಿಶೇಷ ಸಾಂದರ್ಭಿಕ ರಜೆ' ಘೋಷಿಸಿದೆ ಈ ಕುರಿತು ರಾಜ್ಯ ಸರ್ಕಾರದ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ ಅಧಿಕೃತ ಆದೇಶ ಹೊರಡಿಸಿದೆ.ಇದರ ಬೆನ್ನಲ್ಲೇ ವಾರಾಂತ್ಯದ ರಜೆಗಳು ಹಾಗೂ ಸರ್ಕಾರಿ ರಜೆ ಒಟ್ಟಿಗೆ ಬಂದಿರುವುದರಿಂದ, ಮತದಾರ ನೌಕರರಿಗೆ ಸತತ 4 ದಿನಗಳ ಸಾಲು ರಜೆ ಸಿಕ್ಕಂತಾಗಿದೆ.ಕರ್ನಾಟಕ ಆಗ್ನೇಯ ಪದವೀಧರ ಕ್ಷೇತ್ರ: ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು, ಚಿತ್ರದುರ್ಗ, ದಾವಣಗೆರೆ ಕರ್ನಾಟಕ ಪಶ್ಚಿಮ ಪದವೀಧರ ಕ್ಷೇತ್ರ: ಧಾರವಾಡ, ಗದಗ, ಹಾವೇರಿ, ಉತ್ತರ ಕನ್ನಡ
ಕರ್ನಾಟಕ ಈಶಾನ್ಯ ಶಿಕ್ಷಕರ ಕ್ಷೇತ್ರ: ಕಲಬುರಗಿ, ಬೀದರ್, ಯಾದಗಿರಿ, ರಾಯಚೂರು, ಕೊಪ್ಪಳ, ಬಳ್ಳಾರಿ, ವಿಜಯನಗರ ಬೆಂಗಳೂರು ಶಿಕ್ಷಕರ ಕ್ಷೇತ್ರ: ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಬೆಂಗಳೂರು ದಕ್ಷಿಣ (ರಾಮನಗರ)ಚುನಾವಣಾ ಆಯೋಗವು ನಿಗದಿಪಡಿಸಿರುವಂತೆ ಈ ಕ್ಷೇತ್ರಗಳಲ್ಲಿ ಮತದಾನದ ಹಕ್ಕು ಹೊಂದಿರುವ ಅರ್ಹ ಪದವೀಧ ರರು ಹಾಗೂ ಶಿಕ್ಷಕ ಮತದಾರರು ಮತ ಚಲಾಯಿ ಸಲು ಈ ವಿಶೇಷ ಸಾಂದರ್ಭಿಕ ರಜೆಯನ್ನು ಮಂಜೂರು ಮಾಡಲಾಗಿದೆ.
ಸತತ 4 ದಿನಗಳ 'ಸಾಲು ರಜೆ' ವಿವರ
ಅಕ್ಟೋಬರ್ 23 ರಂದು ಮತದಾನದ ರಜೆ ಸಿಗುತ್ತಿರುವುದರಿಂದ, ನೌಕರರಿಗೆ ಶುಕ್ರವಾರದಿಂದ ಸೋಮವಾರದವರೆಗೆ ಸತತ 4 ದಿನಗಳ ರಜೆ ಲಭ್ಯವಾಗಲಿದೆ
ಅಕ್ಟೋಬರ್ 23 (ಶುಕ್ರವಾರ): ವಿಧಾನ ಪರಿಷತ್ ಚುನಾವಣೆ ಮತದಾನದ ವಿಶೇಷ ಸಾಂದರ್ಭಿಕ ರಜೆ. ಅಕ್ಟೋಬರ್ 24 (ಶನಿವಾರ) ವಾರಾಂತ್ಯದ ರಜೆ ಸರ್ಕಾರಿ ನೌಕರರಿಗೆ ರಜೆ. ಅಕ್ಟೋಬರ್ 25 (ಭಾನುವಾರ) ಸಾರ್ವತ್ರಿಕ ವಾರದ ರಜೆ. ಅಕ್ಟೋಬರ್ 26 (ಸೋಮವಾರ): ಮಹರ್ಷಿ ವಾಲ್ಮೀಕಿ ಜಯಂತಿ ಪ್ರಯುಕ್ತ ಸಾರ್ವತ್ರಿಕ ರಜೆ.
ಹೀಗಾಗಿ ಮತ ಚಲಾಯಿಸಲು ತಮ್ಮ ಊರುಗಳಿಗೆ ತೆರಳುವ ಮತದಾರರಿಗೆ ಯಾವುದೇ ತರಾತುರಿ ಯಿಲ್ಲದೆ ಮತದಾನ ಮುಗಿಸಿ, ಸಾಲು ರಜೆಯನ್ನು ಸದುಪಯೋಗಪಡಿಸಿಕೊಳ್ಳಲು ಉತ್ತಮ ಅವಕಾಶ ಸಿಕ್ಕಂತಾಗಿದೆ.
ಮುಖ್ಯ ಷರತ್ತುಗಳು ಹಾಗೂ ಸೂಚನೆಗಳು ಪೂರ್ವಾನುಮತಿ ಕಡ್ಡಾಯ: ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ನೌಕರರು ತಮ್ಮ ಕಚೇರಿಯ ಸಕ್ಷಮ ಪ್ರಾಧಿಕಾರದಿಂದ (ಮೇಲಧಿಕಾರಿಗಳಿಂದ) ನಿಯಮಾನುಸಾರ ಪೂರ್ವಾ ನುಮತಿ ಪಡೆದಿರಬೇಕು.ಮತದಾರರಿಗೆ ಮಾತ್ರ ಸೀಮಿತ: ಇದು ಸಾರ್ವತ್ರಿಕ ರಜೆಯಾಗಿರುವುದಿಲ್ಲ. ಕೇವಲ ಮೇಲೆ ಉಲ್ಲೇಖಿಸಿದ ನಾಲ್ಕು ಕ್ಷೇತ್ರಗಳ ಮತದಾರರ ಪಟ್ಟಿಯಲ್ಲಿ ಹೆಸರಿರುವ ಅರ್ಹ ಶಿಕ್ಷಕರು ಹಾಗೂ ಪದವೀಧರರಿಗೆ ಮಾತ್ರ ಈ ರಜೆ ಅನ್ವಯ ವಾಗುತ್ತದೆ ಎಂದು ಆದೇಶದಲ್ಲಿ ಸ್ಪಷ್ಟಪಡಿಸಲಾಗಿದೆ.
ಸುದ್ದಿ ಸಂತೆ ನ್ಯೂಸ್ ಬೆಂಗಳೂರು.....
