ಬೀದರ್ -
ರಜೆಯಲ್ಲಿ ಶಾಲಾ ಚಟುವಟಿಕೆಗೆ ವಿರೋಧ ಕ್ರಮಕ್ಕೆ ಶ್ರೀರಾಮ ಸೇನೆ ಆಗ್ರಹ ಹೌದು ದಸರಾ ರಜೆಯಲ್ಲೂ ಖಾಸಗಿ ಶಾಲಾ-ಕಾಲೇಜುಗಳಲ್ಲಿ ವಿವಿಧ ರೀತಿಯ ಚಟುವಟಿಕೆಗಳು, ಪರೀಕ್ಷೆ ನಡೆಸುತ್ತಿದ್ದು ಇದು ಸರ್ಕಾರದ ಆದೇಶದ ಉಲ್ಲಂಘನೆ. ಅಂತಹ ಸಂಸ್ಥೆಗಳ ವಿರುದ್ಧ ಕ್ರಮ ಜರುಗಿಸಬೇಕೆಂದು ಶ್ರೀರಾಮ ಸೇನೆ ಬೀದರ್ ಜಿಲ್ಲಾ ಘಟಕ ಆಗ್ರಹಿಸಿದೆ.
ಈ ಸಂಬಂಧ ನಗರದಲ್ಲಿ ಡಿಡಿಪಿಐಗೆ ಮನವಿ ಪತ್ರ ಸಲ್ಲಿಸಿರುವ ಸೇನೆಯ ಪದಾಧಿಕಾರಿಗಳು,'ದಸರಾ ರಾಜ್ಯದ ಸಾಂಸ್ಕೃತಿಕ ಪರಂಪರೆ ಹಾಗೂ ನಾಡಿನ ಐತಿಹಾಸಿಕ ಕಾರ್ಯಕ್ರಮ.ಎಲ್ಲರೂ ಕುಟುಂಬದ ವರೊಂದಿಗೆ ಬೆರೆತು ಆಚರಿಸುವ ಹಬ್ಬವಾಗಿದೆ. ಆದರೆ ಖಾಸಗಿ ಶಿಕ್ಷಣ ಸಂಸ್ಥೆಗಳು ಈ ಆಶಯಕ್ಕೆ ವಿರುದ್ಧವಾಗಿ ನಡೆದುಕೊಳ್ಳುತ್ತಿವೆ' ಎಂದು ಆರೋಪಿಸಿದ್ದಾರೆ.
'ರಜೆ ಅವಧಿಯಲ್ಲಿ ಪರೀಕ್ಷೆ, ತರಗತಿ ಅಥವಾ ಇತರ ಕಡ್ಡಾಯ ಶೈಕ್ಷಣಿಕ ಚಟುವಟಿಕೆಗಳನ್ನು ನಡೆಸುತ್ತಿರುವ ಶಾಲೆಗಳ ವಿರುದ್ಧ ನಿಯಮಾನುಸಾರ ಕ್ರಮ ಕೈಗೊಳ್ಳ ಬೇಕು ಸಂಬಂಧಪಟ್ಟ ಅಧಿಕಾರಿಗಳು ಶಾಲೆಗಳಿಗೆ ಸರ್ಕಾರಿ ರಜೆ ಆದೇಶ ಕಟ್ಟುನಿಟ್ಟಾಗಿ ಪಾಲಿಸುವಂತೆ ಲಿಖಿತ ನಿರ್ದೇಶನ ನೀಡಬೇಕು' ಎಂದು ಒತ್ತಾಯಿಸಿ ದ್ದಾರೆ.
ಸೇನೆಯ ಜಿಲ್ಲಾಧ್ಯಕ್ಷ ರವಿ ಕೊಡಗಿ, ಉಪಾಧ್ಯಕ್ಷರಾದ ಚಿದಾನಂದ ಹಿಂಡೆ, ಸಾಯಿನಾಥ್, ಪ್ರಧಾನ ಕಾರ್ಯದರ್ಶಿ ಪ್ರಶಾಂತ್‌ ತಪಶಾಳೆ, ಕಾರ್ಯದರ್ಶಿ ಗಳಾದ ಬಸವರಾಜ ರೇಷ್ಮೆ, ಲಾಲಪ್ಪ, ಬೀದರ್ ತಾಲ್ಲೂಕು ಅಧ್ಯಕ್ಷ ಜೇತೇಂದ್ರ ಗುರುಜಡೆ, ಸಂಘಟನಾ ಕಾರ್ಯಾಧ್ಯಕ್ಷ ಯಲ್ಲೇಶ್ ಶಿವಗೊಂಡ, ಸಾಮಾಜಿಕ ಜಾಲತಾಣ ಹಾಗೂ ಮಾಧ್ಯಮ ಸಂಚಾಲಕ ಗಜಾನನ ಹಂಡೆ, ಸಂಘಟನಾ ಕಾರ್ಯದರ್ಶಿ ಲೋಕೇಶ್ ವಾಲಿ, ಸಂಘಟನಾ ಸಹ ಕಾರ್ಯದರ್ಶಿಗಳಾದ ದತ್ತು ಸಿಂಗ್‌ ರಜಪೂತ್‌, ಸೋಮನಾಥ, ಖಜಾಂಚಿ ಶೈಲೇಂದ್ರ ಗರ್ಗೆ, ಸದಸ್ಯರಾದ ಸಂತೋಷ್‌ ಜೆ.ಪಿ., ಪರಮೇಶ್‌ ಪಟ್ನೆ, ಶಶಿ ಪಾಟೀಲ, ನಾಗರಾಜ ಹೊನ್ನ ಇದ್ದರು.
ಸುದ್ದಿ ಸಂತೆ ನ್ಯೂಸ್ ಬೀದರ್.....
