ಅಳ್ನಾವರ -
ಸರ್ಕಾರಿ ಶಾಲೆ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ, ಶೈಕ್ಷಣಿಕ ಸಲಕರಣೆ ವಿತರಣಾ ಕಾರ್ಯಕ್ರಮ ಧಾರವಾಡ ಜಿಲ್ಲೆಯ ಅಳ್ನಾವರ ದಲ್ಲಿ ನಡೆಯಿತು ಇಲ್ಲಿನ ಸರ್ಕಾರಿ ಮಾದರಿ ಕೇಂದ್ರ ಕನ್ನಡ ಶಾಲೆ ನಂ.1ರ ವಿದ್ಯಾರ್ಥಿಗಳ ಪ್ರತಿಭೆಯನ್ನು ಪ್ರೋತ್ಸಾಹಿಸುವ ಹಾಗೂ ಅಗತ್ಯ ಮೂಲಸೌಲಭ್ಯಗಳಿಗೆ ನೆರವು ನೀಡುವ ಉದ್ದೇಶದಿಂದ ಶಿರಹಟ್ಟಿ ಎಜ್ಯುಕೇಷನ್‌ ಫೌಂಡೇಷನ್ ವತಿಯಿಂದ ದಿವಂಗತ ಬಂಗಾರಮ್ಮ ಶಿರಹಟ್ಟಿ ಅವರ ಸ್ಮರಣಾರ್ಥ ನಗದು ಪ್ರತಿಭಾ ಪುರಸ್ಕಾರ, ಪ್ರಮಾಣಪತ್ರ ಹಾಗೂ ಶೈಕ್ಷಣಿಕ ಸಲಕರಣೆ ವಿತರಿಸುವ ಕಾರ್ಯಕ್ರಮ ನಡೆಯಿತು.
ಶಿರಹಟ್ಟಿ ಅವರ ಪುತ್ರ ಡಾ.ಮಲ್ಲಿಕಾರ್ಜುನ ಶಿರಹಟ್ಟಿ ಮಾತನಾಡಿ, 'ಸರ್ಕಾರಿ ಶಾಲೆಗೆ ಅಗತ್ಯವಿರುವ ಸೌಲಭ್ಯಗಳನ್ನು ಕಲ್ಪಿಸುವುದು ಹಾಗೂ ಪ್ರತಿಭಾವಂತ ಮಕ್ಕಳಿಗೆ ಪ್ರೋತ್ಸಾಹ ನೀಡುವುದು ನಮ್ಮ ಸಂಸ್ಥೆಯ ಉದ್ದೇಶ. ನಮ್ಮ ತಾಯಿ ಅವರು ನೂರು ವರ್ಷಗಳ ಹಿಂದೆ ಇದೇ ಶಾಲೆಯಲ್ಲಿ ವಿದ್ಯಾಭ್ಯಾಸ ಮಾಡಿದ್ದರು. ಅವರ ಸ್ಮರಣಾರ್ಥ ಈ ಶಾಲೆಯ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಲಾಗುತ್ತಿದೆ' ಎಂದರು.
ಮುಖ್ಯ ಅತಿಥಿ ಗುರು ಹಟ್ಟಿಹೊಳಿ ವಿದ್ಯಾರ್ಥಿಗಳಿಗೆ ನೋಟ್‍ಬುಕ್‍ಗಳನ್ನು ವಿತರಿಸಿ ಮಾತನಾಡಿದರು. ಜಿ.ವಿ. ಹಟ್ಟಿಹೊಳಿ, ಸಚಿನ್ ಹಟ್ಟಿಹೊಳಿ, ಮುಖ್ಯ ಶಿಕ್ಷಕ ಎಚ್.ಡಿ. ಛಲವಾದಿ, ಡಾ. ಶ್ರೇಯಸ್ ಶಿರಹಟ್ಟಿ, ಪ್ರತಿಭಾ ಶಿರಹಟ್ಟಿ, ವಿಶ್ವನಾಥ ಜೋಶಿ, ವೈಶಾಲಿ ಕುನಗಿನಕರ, ಆನಂತ ದಬಾಲೆ, ಹುಸೇನ್ ಗಡಕಾರಿ, ಎಸ್‍ಡಿಎಂಸಿ ಸದಸ್ಯರು ಹಾಗೂ ಶಿಕ್ಷಕರು ಇದ್ದರು.
ಶಶಿಕಲಾ ತುಪ್ಪದ ಸ್ವಾಗತಿಸಿದರು. ಎಂ.ಆರ್. ಅರ್ಕಾಚಾರಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ನಿಸರ್ಗಾ ಛಲವಾದಿ ವಂದಿಸಿದರು. ವಿದ್ಯಾರ್ಥಿನಿ ಯರು ಪ್ರಸ್ತುತಪಡಿಸಿದ ನೃತ್ಯ ಗಮನ ಸೆಳೆಯಿತು.
ಸುದ್ದಿ ಸಂತೆ ನ್ಯೂಸ್ ಅಳ್ನಾವರ......
