ಬಾಗಲಕೋಟೆ -
ಅಪಘಾತದಲ್ಲಿ ತೀವ್ರವಾಗಿ ಗಾಯಗೊಂಡು ಆಸ್ಪತ್ರೆ ಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಶಿಕ್ಷಕ ಬಸವರಾಜ ರಾಮಪ್ಪ ಶೆಟ್ಟಿ (53) ಚಿಕಿತ್ಸೆ ಫಲಕಾರಿಯಾಗದೇ ಬೆಳಗಾವಿ ಯಲ್ಲಿ ಮೃತಪಟ್ಟಿದ್ದು ಇಂದು ಅವರ ಹುಟ್ಟೂರಿನಲ್ಲಿ ಅಂತ್ಯಕ್ರಿಯೆ ನಡೆಯಿತು.ಬೆಳಗಾವಿ ಯಿಂದ ಬಾಗಲಕೋಟೆ ತಾಲೂಕಿನ ನೀಲಾನಗರ ತಾಂಡಾದ ಶಾಲೆ ಗೆ ಪಾರ್ಥಿವ ಶರೀರವನ್ನು ತಗೆದು ಕೊಂಡು ಬರಲಾಯಿತು ನಂತರ ಶಾಲಾ ಆವರಣದಲ್ಲಿ ಪಾರ್ಥಿವ ಶರೀರಕ್ಕೆ ಪುಷ್ಪವೃಷ್ಠಿ ಅರ್ಪಿಸಿ ಗೌರವ ದೊಂದಿಗೆ ಭಾವಪೂರ್ಣ ನಮನಗಳನ್ನು ಸಲ್ಲಿಸ ಲಾಯಿತು
ಬಾಗಲಕೋಟೆ ತಾಲೂಕಿನ ಶಿರೂರ ಬಳಿ ಸುಮಾರು ಎರಡು ವಾರಗಳ ಹಿಂದೆ ಬಸವರಾಜ ಅವರು ಬೈಕ್‌ ನಲ್ಲಿ ತೆರಳುತ್ತಿದ್ದಾಗಹಿಂಬದಿಯಿಂದ ಬಂದ ವೇಗವಾಗಿ ಬಂದ ಕಾರೊಂದು ಡಿಕ್ಕಿ ಹೊಡೆದಿತ್ತು. ಅಪಘಾತದಲ್ಲಿ ತೀವ್ರವಾಗಿ ಗಾಯಗೊಂಡಿದ್ದ ಇವರನ್ನು ಬೆಳಗಾವಿ ಯಲ್ಲಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು ನಂತರ ಚಿಕಿತ್ಸೆ ಫಲಿಸದೇ ಮೃತರಾದರು
ತಮ್ಮ ಪ್ರೀತಿಯ ಶಿಕ್ಷಕನ ಅಂತಿಮ ದರ್ಶನದ ವೇಳೆ ಶಾಲಾ ಮಕ್ಕಳು ಪಾರ್ಥಿವ ಶರೀರದ ಮೇಲೆ ಹೂಮಳೆ ಗೈದು ಭಾವುಕ ವಿದಾಯ ಹೇಳಿ ಕಳುಹಿಸಿ ಕೊಟ್ಟರು ಇನ್ನೂ 14 ದಿನಗಳಿಂದ ಸಾವು-ಬದುಕಿನ ನಡುವೆ ಹೋರಾಟ ನಡೆಸುತ್ತಿದ್ದ ಅವರು ಚಿಕಿತ್ಸೆ ಫಲಕಾರಿಯಾಗದೇ ಕೊನೆಯುಸಿರೆಳೆದಿದ್ದಾರೆ. ಬೆಳಗಾವಿಯಿಂದ ಶಿಕ್ಷಕ ಬಸವರಾಜ ಅವರ ಪಾರ್ಥಿವ ಶರೀರವನ್ನು ಹೊತ್ತ ಅಂಬುಲೆನ್ಸ್ ನೀಲಾನಗರ ತಾಂಡಾಕ್ಕೆ ಆಗಮಿಸಿ ನಂತರ ಅವರ ಊರಿಗೆ ತೆರಳಿತು. ಗ್ರಾಮದಲ್ಲಿ ನೀರವ ಮೌನ ಆವರಿಸಿತ್ತು. ತಮ್ಮ ನೆಚ್ಚಿನ ಮುಖ್ಯ ಗುರುಗಳನ್ನು ಕಳೆದುಕೊಂಡ ಶಾಲಾ ಮಕ್ಕಳು ಶಾಲೆಯ ಶಿಕ್ಷಕರು ಗ್ರಾಮಸ್ಥರ ಇಕ್ಕೆಲಗಳಲ್ಲಿ ಸಾಲಾಗಿ ನಿಂತು, ಪಾರ್ಥಿವ ಶರೀರ ಹೊತ್ತು ಸಾಗುತ್ತಿದ್ದ ಅಂಬುಲೆನ್ಸ್‌ಗೆ ಭಾವ ಪೂರ್ಣವಾಗಿ ಹೂಮಳೆ (ಪುಷ್ಪಾರ್ಚನೆ) ಗರೆದು ಕಣ್ಣೀರಿನ ಗೌರವ ಸಲ್ಲಿಸಿದರು.ನಂತರ ಗ್ರಾಮದಲ್ಲಿ ಅಂತ್ಯಕ್ರಿಯೆ ನಡೆಯಿತು.
ಸುದ್ದಿ ಸಂತೆ ನ್ಯೂಸ್ ಬಾಗಲಕೋಟೆ.....
